9 Omo Yesu uahumine kuje ku cihela, uamuene yala ivatumbula nguavo Mateu uatumamene mu njivo ya kutambuila lisimu. Kaha uahandekele kuli ikeye nguendi, "Njikave."
Kaha Mateu uakatukile nakumukava.
10 Omo uatumamene ku mesa mu njivo, kaha vavengi vaka kutambula lisimu na vaka vupi vezile nakutumama hamo na Yesu na vandongisi vendi. 11 Kaha omo Vafaliseho vacimuene, vahandekele kuli vandongisi vendi nguavo, "Vika mulongisi ueni alinakulia na vaka kutambula lisimu na vaka vupi?"
12 Vuno honi omo uavevuile, uahandekele nguendi, "Vakangule kuvekusetela cimbanda, vuno honi kuvanga lika vaka kuvavala. 13 Yemuye mukalilongese vika eci cilumbunuka, ‘Njishunguiya cikeketima, keti nkombelo.’ Muomu kunjezile mukusana vaka vusunga, vuno honi vaka vupi."
Cihula ca ha kuliumina kulia
(Mako 2:18-22; Luka 5:33-39)