Lucas 23

33 Nah penui "Mipeura," lie qukela heni gega gwanglu ge, cika ge penui pecu gwak di, nah kemau keteime kena de si eh, hangge de pe zetle nah kedage de pe hile. 34 *Laisiukwak kesadung ga verse 34 de pei ncüt la. [Dede Jisu rangdi, "A pei, penui mau gibeu lo,*23:34 A pei, penui mau gibeu lo: Aide cairasam de teicang kecuge Isa 53:12 ga. kedanemene penui tei kebam de penui ci melu."] Pecai penui dacak tei eh pe paini mzilu. 35 Nah minadung petaiga sap eh piebam. Kedimedung de pecu henui tei bam eh, rang eh, "Pa kedame de kelilu la. Pa Khristabe Tinggwang ne kedet kelube de cai, peu pekatei pecu kelilu lo."✝23:35 Lei. 22:7 36 Cidau reugwamedung de petaiga gwang kehiadui pecu peu nah pecu nuidi,✝23:36 Lei. 69:21 37 nah rang eh, "Magade nang Jewme Gwangpei de cai, nkatei ncu kelilu lo." 38 Cidau pepeu reu gage de, "Aide Jewme Gwangpei da," de raugai.

39 Pecai kemaume gwak kenzeu kena hangge paube pecu kii eh ranggai, "Nang Khrista meni? Nkatei ncu de nah anaide de kelilu lo." 40 Dede sam keli eh, kedabe pecu kesiu eh ranggai, "Nang Tinggwang de hing meni? Nang de pa nzwa eh keherei zeu. 41 Nah anui au keherei kebam petau da. Kedanemene anai au anai ta ziehi ngau zeu. Dede mina aipaude au kemau ge de tei ma." 42 Cidau pa rangdi, "Jisu, Nang n hegwangram ga gwang kelu dau acu nsung gailo." 43 Cine Jisu pe dage rangdi, "Ih n dage rangsiakte liazie, henai gade nang kereluini ga acu ngngwa bamdi zieda."