Marcos 3

Jisu pui nah sinamedung

31 Cidau Jisu pui nah pe siname gwang kisie ga saplu. Penui mide langpwa pecu qu. 32 Nah mina maabe pecu twagwapung ntum bam, ge penui pe dade rangdi, "Ainie! N pui nah n siname ncu peeigwang kisie ga bamlie." 33 Ge pa penui sam keli eh ranggai, "A pui nah a siname cauno?" 34 Ge pa nreugwang pecu twagwapung kebamdung de pie eh rangdi, "Ainie, aika a pui nah a sinamedung! 35 Mina keheibe de Tinggwang suibe tei nah mzai kelume cipaume a siname, a time nah a pui delie."