36 वाटे सालता सालता ते एका पाअयों जागे पोता. ताहरुउ आधिकारी कोहे, "देख इंहीं पाईं होय, ओमे माहूं बाप्तिस्मा लेअहूं की वांदो होय?" 37 फिलीप्पे कोयो, "जर तू पुरा मोनोवाअहीं विश्वास कोअतुय ताहां बाप्तिस्मा लेत सेकेहे." तिये कोयो, "आंय विश्वास कोअहो के, ईसु ख्रिस्त देवोअ बेटुह्हू होये."

38 ताहां तिये आधिकार्‍ये गाडाअ सालाडनाराहा गाडो उबो राखे तेहें कोयो, आन फिलीप्पे आधिकार्‍योहो बाप्तिस्मा आप्यो. 39 जेहेलाम ते पाअयोंमेहें रोत बारथे निहीया, ताहां प्रभुउ आत्मा फिलीप्पोहो विसीत लेत जातू रोयू, तिहीं रोत तिया आधिकार्‍योहो तो फिलीप ने देखाअयू, ताहरुउ तो खुस ओवतुज तियाआ वाटे लागीत गोयू.