Mateus 7

बिहीरा पोअ आरोप लागाड़ीइलो बाप्तिम

1 "कोडापोअ आरोप मा लागाड़हा, ताहां तुमापोअ बी आरोप ने लागे. 2 काहाके जेहें कोइत तुमू बिहीरा पोअ आरोप लागाड़हा, तेहेंज कोइत तुमापोअ बी आरोप लागे, आन जिया मापोवाअहीं तुमू मापित आपहा, तियाज मापोवाअहीं तुमुहूं बी पोइत जोड़े. 3 तु ताआ डोआ मेर्‍याआ मुहलोअहें पालीइलोअ सोड़ी देत ताआ पायहोअ डोआ मेर्‍याआ हुकलाअहें काहा पालेहे? 4 नेताहां, ‘ताआ डोआ मेर्‍योअ हुकलो माहूं काडी देअहूं दे,’ एहें कोइत तू ताआ पायहोहो केहें कोइत कोत सेकेहे? पाल, ताआज डोआ मेहें तोम मुहल होये. 5 आरे ढोंगी, पेल ताआ डोआ मेर्‍योअ मुहल काडीत टाकेए, ताहां ताआ पायहोअ डोआ मेर्‍योअ हुकलो काडीइलोअ काजे ताहूं वारुहूं हाजो देखाय.