Atos 16

25 Khujuan duːduːm myng Pawluh la Silas cee Nuatpaw cengnga hngihminnei theila y hngih bawibiau vei. Aciya phehimm kyakpui ha na khy ym ngei. 26 Cacatnawva liv lu theila phehimm tomti hluːnnei theila, yn hnguva byangveizaw vyng phehimm shawt hngawngei lu, yn pynnyng phehimm kyak khyammei tih ha ym khawnhyan nyak thijooi ha sat giah. 27 Thawngmawh cee letlu theila thawng shawt ha hngawngei khyang y hnguh hnguva, thawngshaw ha zeen pyn tila y uːtnyak hnguva y pumhngaw tuvei jy y cimpai y jukkei. 28 Ynbawlakhy Pawluh na, "Ny pumhngaw seesawnaw kawh! Keimi tomti mynija kym myi giah," tila tha eyng y pang.

29 Phehimm mawh na meei imm pannei theila y jyanga y voangei Yn pynnyng Pawluh la Silas hngoaimaw va sawsolelet nuva y munnei voih. 30 Yn ha pumtua y hluːh pynnyng, "Cawkhyautih vo, lilovei nyak lawh ey tawkka, kei na i ky cai lawh ey ma?" y tinyak.

31 Pawluh la Silas na, "Mawhpaw Jesuh jyang jum byih, nyang la ny immlawng tomti lilovei nyak nym lawh ey," y hngih tinyak. 32 Ynpynnyng yn immlawng ha tomti jyng Mawhpaw khyaukhaw ym susaih. 33 Yn juan tyng ngyng phehimm mawh na yn ha pannei theila ym nehngaw ha y patpiat. Ynbawva cai piat pynnyng, yn la ynih immlawng ha tomti saisikung baptisma ym khyammei giah. 34 Phehimm mawh ce Pawluh la Silas y imm ma pannei theila eiawk ha puhcai theila y khiin nyak, yn dy huattyng immlawng tomti cee Nuatpaw ym jummei khiannyng a hlyija ym jyjo.