Atos 2

17 " ‘A pyih hnguːp pyng Nuatpaw na,

khyang tomti huanna ky Muikhaw ky hlyn nyak khy.

Nyangmi zawehngu la zawpaw ha na khy kei khyau ym saih jy;

Nyangmi compyang khyang ha na khy hnguːnn khyang ym hnguh ey,

nyangmi khyang lianzang ha na khy ym myaang nga myaang nyak ky.

18 Ky ma ha hngutaw la putaw huanna khy si seh,

yn hnguːp pyng ky Muikhaw hlyn naw thei nga,

ym hngawei giah ey.

19 Kei na huan na myitih huankhu va muːnnawseetih la

dyangnga myitih somdek huanna mikhnguh khyang,

thii, mei la meikhu ha ky duan ny.

20 Mawhpaw phungan hnguːp

phawlu hngyh ey hnguva khumik khy hung theila,

khawtha khy thii bawva thawn ny.

21 Yn hnguva Mawhpaw ming biat tih khyang tomti ce lilovei nyak ym lawh ey.’