Yesu etavase vahina kuu vabosi
18 Ata Yesu ekudaha kakera he iziwa la Galilaya, ekavaakho vabakhu vanu, Simoni esewa Petro ne Andrea mbakhu kuu, velo nyavu kini vekuvula samaki. 19 Niho Yesu ekavaba, "Litani, niliahani ninemuboi kune muvagere vahe hagho sakigi mweekuvula samaki nakujigera ang’a." 20 Wato oto vekaro nyavu kini naho vekamliaha. 21 Areazemeri hagitutu, ekavaakho vabakhu vahali vanu, Yakobo ne Yohana vainyi vakwe Zebedayo veeaha za he mashua hawe ne aba kini Zebedayo, vekujiboi nyavu kini. Niho Yesu ekavase, 22 navo vekamroia aba mkini mashua nahu nyavu kini, vekamliaha Yesu.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)