Mateus 8

Yesu etamuuti mnyamalo wa muaku wa Kirumi

5 Yesu areabuu he muang’a wa Kapernaumu, muaku muwe ekamliaha na kumgogo amlhaari 6 ekumba, "Dilao, mnyamalo gho ebodie are ang’a eholoje naho eruisha." 7 Niho Yesu ekamba "Nnelita nimuuti." 8 Ka muaku ekamba, "Dilao, techiye ari ulite he minda gho. Mira yo bi kiome na mnyamalo gho eneu. 9 Kwaite naani nireaha di ya vadilao vahali naho nilo vaaku gho vahali. Nikumba muwe, ‘So’ Nau etaso, na muhali, ‘Lita’ Nau etalita, naho nikumba mnyamalo gho, ‘Boi kigi ya’ Nau etaboi." 10 Yesu areako ka viome ekamaka, ekavaba vahe veekumliaha, "Kweri nimubaya, neri sinaraakho muhe ii Izraeli edarisha saya muhe. 11 Iji namubao, vahe vakumure venelita kuli ho kaaze keliiya naho kefilia, navo venezokhodi he elha hawe ne Iburahamu ne Isaka ne Yakobo he Udilao waare ana he Kiumbi. 12 Mira vainyi vaka udilao venebibiwe gahana he kidughu, are venezo na kung’e maiki." 13 Niho Yesu ekamba ka muaku wa Kirumi, "So ang’a naho chikhwa sacho udarishe." Nahu mnyamalo wa muaku wa Kirumi ekau madamo wahuuhu.