17 Handa Majandiko ga Annoongo chigajandikwe, "Ndekummeka mme atati bha bhandu bha hilambo hijingi." Malobhe genego nga ga kweli nnoongi ja Annoongo yakubhee Aaibulahimu akaahobhalela Annoongo yakubhee atendakwaayoanga bhabhawilinge, na kwa kutenda hilebhe yangabhee hitenda kubhee. 18 Aaibulahimu akahobhalela na kulupalila hata handa kukongopala kwabhe kukaatenda kuhengeleka ntima, henela atekubhee atati bha bhandu bha hilambo hijingi, itekujandikwa mu Majandiko ga Annoongo, "Akaabhelei bhinu bhapakubhee bhajingi handa ndondwa!" 19 Aaibulahimu akibha anahota kubhandikila na yaaka mia jimo, nambo kwahobhalela kwabhe Annoongo kwangapongoa hata handa akagahimanya kubhee mmele gwabhe gukibha handa gutekuwee, na hata hanu bhabhe Asala, akibha ntoonga. 20 Nambo Aaibulahimu jwangabhee na lipamba kwa ngani jenijela jibhakalobholelwa na Annoongo, ila akalekelelwa machili mu kuhobhalela na kwaalumbalila Annoongo, 21 kongo abhikuhimanya kubhee Annoongo akibha na uwecho gwa kutenda genigala gabhaalobholile.
Publicidade