Marcos 11

Yesɔ ne yir Urushelima ndi tum

1 Ndi Yesɔ ben abɛ tsene maa ne te gbahir ne Urshelima te nyɛ Betafaji ben Batanya ne Igbu yi Zetun, Yesɔ ne shar amɛ ayaa ne min kɛ abɛ tsǝn amaa, 2 te di ba, <<Gar zhin ntun yiŋ ndi iyi ne ti min, izhin te nak yir, izhin tei yik ne akpa tatur aŋyak amɔ, iwaŋ ndi ba ner nuŋ ndi ne yuŋɔ atɔ. Izhin bǝ zu gu Gli nyɛmɛ. 3 Inuŋ ate rib zhin te di, <Izhin zuk nŋa ma tǝ ni?> Izhin bǝ diu, <<Ŋgɔŋ awɔbu atei gliu aŋur akama aŋyaga ne mkpaŋ watsɔb.>>>

4 Ne gar ate yik ne kpa nŋa ma aŋyak ne abɛm, ne anɔkɔŋ. Ndi ne zu gu, 5 aneshir anuŋ ne aklɛkli ne amkpama te rib ba te di, <<Izhin zuk nŋa ma te gar amɛ?>> 6 Nǝ bla ba ir keŋ ndi Yesɔ ne bla ba bǝ blama, ankyak aneshir aduŋ ba kɔmɔ. 7 Ndi ne gli nŋa ma agli Yesɔ mɔ ankyak aneshir ne vu nklunklu yi ku mvlu men asak ne tu nŋa ma, fe Yesɔ ayuŋɔ asɔŋ ne tu nŋa ma. 8 Aneshir tetɛk ne lab nklunklu men ne ankɔŋ, anuŋ ne lab amgbaamvu ndi ne ŋai ne zizik. 9 Abaŋ ndi ne kuti ben abaŋ ndi azǝ ngɔŋ maa ate ahwa te di,

<<Gbar asak ye Arik!>>

<<Anu adidik ayi ben waŋ ndi anyɛ ne sak kɛ Arik!>>

10 <<Anu adidik abɛ yi ben ikɔb Ngɔŋ kɛ nyɛ kɛ Ŋgɔŋ amɔr Doda!>>

<<Gbar asak ye Arik ne gbarshu!>>

11 Yesɔ ne yir Urshelima te yir Akabakɔŋ. Te tɔ kiki bɔbɔk, ama amgbalu ne ka te, te ru iwa ben abɛ tsene maa amɛ wur ane yaa te gar Batanya.