22 Be long taem ya, Hana i talem long hem se, "Bambae mi mi no kam. Taem we pikinini ya i kam bigwan, i livim titi, ale mi jes tekem hem i go long haos blong Hae God, nao bambae hem i stap olwe long ples ya."
23 Mo man blong hem i talem se, "I oraet nomo. Yu mekem olsem we yu ting se i gud. Yu save stap gogo kasem taem we hem i livim titi. Mo prea blong mi we Hae God bambae i mekem tok blong hem i kamtru."1.23: Las haf blong tok blong man ya i folem plante olfala Oltesteman long lanwis ya Hibru, be sam olfala kopi blong Oltesteman ya, wetem sam olfala translesen blong hem oli talem olsem. Mo prea blong mi we Hae God bambae i mekem promes blong yu i kamtru. Nao Hana i stap nomo long Rama, i stap lukaot long pikinini blong hem.
24 Nao Hana i stap lukaot long pikinini ya gogo i kam bigwan, i livim titi. Nao long taem we pikinini ya i smol boe yet, Hana i tekem hem i go long haos blong Hae God long Silo. Mo hem i tekem wan bul we i gat tri yia blong hem, wetem ten kilo flaoa, mo wan botel waen we botel ya oli wokem long skin blong nani.*1.24: Tok long las haf blong vas ya i folem olfala translesen blong Oltesteman long lanwis blong ol man Gris bifo, we i kamaot long olfala Oltesteman long lanwis ya Hibru, be long Oltesteman long Hibru we i stap tede, tok ya i olsem. Mo hem i tekem tri bul, wetem ten kilo flaoa, mo wan botel waen we botel ya oli wokem long skin blong nani.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)