JEREMAEA 31

9 Taem mi mi stap lidim yufala i kambak,

long rod blong yufala,

bambae yufala i stap krae,

yufala i stap prea long mi.

Bambae mi stap lidim yufala i wokbaot

long wan gudfala rod

we yufala i no save stambol long hem,

mo long rod ya,

bambae yufala i gat plante springwota

blong yufala i dring long hem.

Mi mi olsem papa blong yufala evriwan,

mo yufala ya we i laen blong Efrem,*

yufala i olsem fasbon pikinini boe blong mi.