JOB 2

9 Nao woman blong hem i tok long hem, i talem se, "!Ei! ?From wanem tingting blong yu i stap strong yet long God olsem? !I moa gud yu tok nogud long hem blong yu yu ded!*2.9: Narafala rod blong tanem tok long las haf blong vas ya i olsem. !Yu no moa save laef! !I moa gud yu tok nogud long hem fastaem, nao yu ded!"

10 Be hem i talem se, "!Yu no tok krangke olsem! Taem God i stap givim ol gudgudfala samting long yumi, yumi glad blong tekem. Mo taem hem i givim trabol long yumi, i no stret blong yumi tok agens long hem from."

Nao nating we hem i stap harem nogud tumas long ol samting ya, be hem i no tok agens long God nating.