Daniyeli 11

5 Umwami wo mu bumanuko azokomera, ariko umwe mu ngabo ziwe azomurusha inguvu, ace aganza ubundi bwami bwiwe mu bubasha bwinshi. 6 Inyuma y’imyaka mikeya hazoba amasezerano hagati y’umwami wo mu bumanuko n’umwami wo mu buraruko. Umukobwa w’umwami wo mu bumanuko azorongorwa n’umwami wo mu buraruko kugira ngo bakomeze ayo masezerano. Ariko uwo mukobwa ntazozigama ububasha bwiwe, ndetse n’uwo mwami n’ububasha bwiwe ntibizorama. Azokwicanwa n’uwamuzanye, na se wiwe, hamwe n’uwuzoba amushigikiye.