સંદર્શન 16

13 પછી મેં જોયું તો અજગરના મુખમાંથી, દુષ્ટ પશુનાં મુખમાંથી, તથા જૂઠા પ્રબોધકોનાં મુખમાંથી દેડકાના જેવા ત્રણ દુષ્ટ આત્માઓ બહાર નીકળી આવ્યા. 14 તે ચમત્કાર કરનાર ભૂતોના આત્માઓ છે, અને તેઓ આખી પૃથ્વીનાં રાજાઓ સાથે બહાર ગયા જેથી તેઓ બધા સર્વશકિતમાન ઈશ્વરના મહાન દિવસે ઈશ્વર વિરુદ્ધ લડાઈ કરવા માટે એકત્ર થાય.

15 "જુઓ: હું ચોરની જેમ આવું છું! જે જાગૃત રહે છે, અને પોતાના વસ્ત્ર એવી રીતે સાચવે છે કે પોતાને નગ્ન જવું ન પડે, અને પોતાની લાજ ન દેખાય, તેને ધન્ય છે!"

16 પછી જેને હિબ્રૂ ભાષામાં હર-મગિદોન કહે છે, તે જગ્યાંએ તેઓએ રાજાઓને એકત્ર કર્યા.