1 Luzitisa Yave !

Lusakumunu kuidi mutu wowo weti kinzika Yave ;

wowo weti mona khini mu zithumunu ziandi.

2 Bana bandi bela ba lulendo va ntoto ;

Tsungi yi batu balulama yela sakumunu.

3 Bima biwombo ayi kimvuama bidi mu nzo andi

ayi busonga buandi bunzingilanga mu zithangu zioso.

4 Ka diambu ko mu tombi, kiezila kieti kienzuka mu diambu di batu balulama mu mintima ;

mu diambu di nkua nlemvo ayi nkua kiadi ayi mutu wusonga.

5 Mamboti mela kuiza kuidi mutu wowo wunkabulanga mu luzolo

ayi wundevisanga mu kambu kuiku ;

ayi wundiatisanga bisalu biandi mu busonga.

6 Bukiedika kalendi nikuka ko ;

mutu wusonga wela tebukulungu moyo mu zithangu zioso.

7 Kalendi mona zitsangu zimbimbi tsisi ko.

Ntimꞌandi widi wukinda, wuntulanga diana mu Yave.

8 Ntimꞌandi widi mu luvovomo, kalendi mona tsisi ko

ku tsuka wela nunga mu tala batu bobo beti kunlenda.

9 Wunkabulanga mu zindambu zioso makaba mu diambu di nsukami ;

busonga buandi bunzingilanga mu zithangu zioso ;

phokꞌandi yela vumbulu ngolo mu nzitusu.

10 Mutu wumbimbi wela bumona ayi wela fuema ;

wela kueta meno ayi wela lalakana.

Zikhanu zi mutu wumbimbi ziela kituka ziphamba.