1 Ndimvumbula meso mama kuidi ngeyo Yave

ngeyo beki kundu kiaku ki Kipfumu mu diyilu.

2 Banga meso ma bavika meti tala mioko mi bapfumu bawu ;

banga meso ma kisadi kinketo mantalanga mioko mi pfumu andi wu nketo ;

buawu bobo meso meto mantadilanga kuidi Yave, Nzambi eto,

nate kela kutumona kiadi.

3 Wutumoni kiadi, a Yave, wutumoni kiadi

bila nlenzo wuwombo tutambudi.

4 Mvuezolo wuwombo tutambula kuidi bankua luniemo ;

nlenzo wuwombo kuidi bankua lunangu.