1 Lusakumunu kuidi mutu wowo wulemvokolo nzimbalꞌandi ;

masumu mandi mafukulu.

2 Lusakumunu kuidi mutu wowo Yave kankambu

ntangila disumu diandi,

ayi kambulu bukhita mu pheve andi.

3 Bu ndiba dio sui,

mimvesi miama milebakana mu kunga ku ndiba

nkunga mu lumbu kimvimba.

4 Bila muini ayi builu koko kuaku ziku kuba va minu.

Zingolo ziama zisukidi

banga mu thangu yi muini wu ngolo.

5 Buna ndizabikisa disumu diama,

ndisia fuka mambimbi mama ko.

Ndituba : "Ndiela lomba nlemvo mu zinzimbala ziama kuidi Yave."

Buna ngeyo wulemvukila mambimbi ma disumu diama.

6 Buna diawu bika woso mutu wunkinzikanga mambu maku,

wela kusambila mu thangu yoyi kalenda kubakula.

Bukiedika mu thangu yi khuka nlangu yingolo

milendi kunlalumuna ko.

7 Ngeyo buangu kiama kieti kutsueka ;

ngeyo weti kukheba mu ziphasi.

Ngeyo wukunzungidilanga mu minkunga mi khudulu.

8 "Ndiela kumonisa ayi kulonga nzila yoyi fueti diatila,

ndiela kuvana ndongi ayi thaluꞌama

yela ba vadi ngeyo.

9 Kadi ba banga phunda

voti banga bulu kioki bantedilanga ‘mule’ ;

bibulu bikondolo diela,

vayi biobi binkangungu nsinga ayi sengo mu munu

bila nganu bilenda fikama va widi."

10 Mabienga mawombo madi mu diambu di mutu wumbimbi ;

vayi luzolo lu ngolo lu ma Yave lunzungidilanga mutu wowo

wuntulanga diana diandi mu niandi.

11 Monanu khini

ayi luyangadala mu Yave beno basonga.

Luyimbila, beno boso luidi balulama mu mintima.