1 Bu nditotuka mu mabulu madi thipula,

ndiyamikina kuidi ngeyo, a Yave.

2 A Yave, wa mbemboꞌama ;

bika wutamba matu maku mu yamikina kuama mu diambu di lusadusu.

3 Enati ngeyo, a Yave, weti tangisa masumu

A Yave buna nani wulenda telama e ?

4 Vayi kuidi ngeyo kuidi ndemvukulu yi masumu ;

diawu fueni kinzuku.

5 Ndimvingila Yave, muelꞌama wulembo vingila ;

ayi mu mambu mandi, ndintula diana diama.

6 Muelꞌama wumvingila Yave viokila minsungi mimvingila nsuka.

Nyinga viokila minsungi mimvingila nsuka.

7 A Iseli, tula diana diaku mu Yave

Bila mu niandi muidi luzolo lu ngolo

ayi mu niandi muidi khudulu yiduka.

8 Niandi veka wela kula Iseli mu masumu mawu moso.