1 Yizanu, bika tuyimbidila Yave mu khini.

Bika tuyamikina kuidi ditadi di phulusu eto.

2 Bika tuizanu ku ntualꞌandi mu vana matondo

tunyayisa mu miziki ayi mu minkunga.

3 Bila Yave widi Nzambi yinneni,

ntinu wunneni va yilu zinzambi zioso.

4 Va koko kuandi muidi vadi phinda zi ntoto

zitsongi zi miongo zivuiwulu kuidi niandi.

5 Mbu wandi bila niandi veka wuvanga wawu

ayi mioko miandi mivanga ntoto wu yuma.

6 Yizanu bika tukikulula mu buongama,

bika tufukamanu va ntuala Yave mvangi eto.

7 Bila niandi Nzambi eto

ayi beto tuidi batu bandi keta dikila,

nkangu mamemi mu ku tsi lukebolo luandi.

Enati lumbu kiaku luwilu mbembo andi,

8 lubika kitula mintima mieno ngolo

banga bu luvangila Meliba,

banga bu luvangila mu lumbu ki Masa mu dikanga ;

9 Kuna madise beno bathotila ayi batsokila ;

ka diambu ko bamona momo ndivanga.

10 Mu makumaya ma mimvu, ndiba mu nganzi

kuidi tsungi yina ; ndituba :

"badi batu badi mintima mizimbila

ayi basia zaba zinzila ziama ko."

11 Diawu ndizengila ndefi ku tsi nganzi ama :

"balendi kota ko mu luvundulu luama."