1 Mu thangu Iseli katotuka mu Ezipite,

nzo yi Yakobi mu batu beti tuba mbembo yi nzenza ;

2 Yuda dikituka buangu kinlongo ki Nzambi,

Iseli tsi andi.

3 Mbu wumona ayi wutina ;

Yolidani yivutuka ku manima.

4 Miongo midumuka banga mamemi mambakala ;

miongo mifioti banga bana ba mamemi.

5 A mbi bivangama, ngeyo mbu, muingi wutina

ngeyo Yolidani, muingi wuvutuka ku manina e ?

6 Ngeyo miongo, muingi wudumuka banga mamemi ma mbakala,

miongo mifioti banga bana ba mememi e ?

7 Tita, a ntoto, va meso ma Yave

va meso ma Nzambi yi Yakobi.

8 Niandi wunkitulanga ditadi buindi ki nlangu,

ditadi dingolo zitho zi nlangu.