1 Luvutudila Yave matondo bila niandi widi wumboti,

luzolo luandi lunzingilanga mu zithangu zioso.

2 Luvutudila Nzambi yi zinzambi matondo,

luzolo luandi lunzingilanga mu zithangu zioso.

3 Luvutudila Pfumu yi bapfumu matondo,

luzolo luandi lunzingilanga mu zithangu zioso,

4 niandi kaka, wumvanganga matsiminanga,

luzolo luandi lunzingilanga mu zithangu zioso

5 niandi wuvanga diyilu mu diela diandi

luzolo luandi lunzingilanga mu zithangu zioso

6 Niandi wuyalumuna ntoto va mbata minlangu ;

luzolo luandi lunzingilanga mu zithangu zioso

7 Niandi wuvanga kiezila kingolo

luzolo luandi lunzingilanga mu zithangu zioso ;

8 thangu mu diambu di yadila muini,

luzolo luandi lunzingilanga mu zithangu zioso ;

9 ngondi ayi zimbuetete mu diambu di yadila builu,

luzolo luandi lunzingilanga mu zithangu zioso ;

10 kuidi niandi bila niandi wuvvonda bana batheti mu Ezipite,

luzolo luandi lunzingilanga mu zithangu zioso ;

11 ayi wutotula bana ba Iseli va khatitsika basi Ezipite

luzolo luandi lunzingilanga mu zithangu zioso ;

12 mu koko ku ngolo ayi ku yalumuka,

luzolo luandi lunzingilanga mu zithangu zioso ;

13 Kuidi niandi bila niandi wuvasa mbu wu mbuaki mu zindambu zizole,

luzolo luandi lunzingilanga mu zithangu zioso ;

14 ayi wuviokisila Iseli va khatitsika mbu wu mbuaki,

luzolo luandi lunzingilanga mu zithangu zioso ;

15 vayi wulalumusa Falawo ayi masodi mandi mu mbu wu mbuaki,

luzolo luandi lunzingilanga mu zithangu zioso ;

16 kuidi niandi bila niandi wudiatisa batu bandi mu dikanga ;

luzolo luandi lunzingilanga mu zithangu zioso ;

17 Niandi wuvonda mintinu minneni,

luzolo luandi lunzingilanga mu zithangu zioso ;

18 ayi wuvonda mintinu mi lulendo,

luzolo luandi lunzingilanga mu zithangu zioso ;

19 Sihoni, ntinu basi Amoli,

luzolo luandi lunzingilanga mu zithangu zioso ;

20 ayi Ongi, ntinu basi Basani,

luzolo luandi lunzingilanga mu zithangu zioso ;

21 ayi wuvana zitsi ziawu banga kiuka,

luzolo luandi lunzingilanga mu zithangu zioso ;

22 kiuka kuidi kisadi kiandi, Iseli,

luzolo luandi lunzingilanga mu zithangu zioso ;

23 kuidi niandi, mutu wowo wututebukila moyo mu kambu kueto ku luvalu,

luzolo luandi lunzingilanga mu zithangu zioso ;

24 ayi wutuvana kiphuanza mu bambeni zieto,

luzolo luandi lunzingilanga mu zithangu zioso ;

25 ayi niandi wumvananga bidia kuidi kioso-kioso vangu,

luzolo luandi lunzingilanga mu zithangu zioso.

26 Luvutudila Nzambi yi diyilu matondo

luzolo luandi lunzingilanga mu zithangu zioso.