Salmos 3

Kuidi Yave kumbanga phulusu

1 A Yave, tala buevi badidi woka bobo bandendidi ;

batu bawombo balembo ndiendila manenga.

2 Bawombo balembo tubi mu diambu diama :

"Nzambi kalendi kunkula ko."

3 Vayi ngeyo, widi nkaku ama, a Yave.

Ngeyo nkemboꞌama, ngeyo wumvumbulanga ntu ama.

4 Ndinyamikinanga kuidi Yave.

Niandi wukuphutudilanga mvutu tona ku mongo andi wunlongo.

5 Ndinlambadala, ndinleka tulu ayi ndinkotukanga ;

bila Yave niandi wukukhebanga.

6 Nditinanga ko tsisi yi makabu mawombo-wombo

ma batu bobo banzungididi ndambu ayi ndambu.