Salmos 32

Khini yidi mu lemvokolo

1 Lusakumunu kuidi mutu wowo wulemvokolo nzimbalꞌandi ;

masumu mandi mafukulu.

2 Lusakumunu kuidi mutu wowo Yave kankambu

ntangila disumu diandi,

ayi kambulu bukhita mu pheve andi.

3 Bu ndiba dio sui,

mimvesi miama milebakana mu kunga ku ndiba

nkunga mu lumbu kimvimba.

4 Bila muini ayi builu koko kuaku ziku kuba va minu.

Zingolo ziama zisukidi

banga mu thangu yi muini wu ngolo.

5 Buna ndizabikisa disumu diama,

ndisia fuka mambimbi mama ko.

Ndituba : "Ndiela lomba nlemvo mu zinzimbala ziama kuidi Yave."

Buna ngeyo wulemvukila mambimbi ma disumu diama.

6 Buna diawu bika woso mutu wunkinzikanga mambu maku,

wela kusambila mu thangu yoyi kalenda kubakula.

Bukiedika mu thangu yi khuka nlangu yingolo

milendi kunlalumuna ko.