14 Ekem, ke ini esimde ufọt usọrọ, Jisọs ama oduk esit Edisana ebiet onyuñ aka iso ndikpep ñkpọ. 15 Idem ama akpa ikpọ owo mme Ju eti eti, ndien mmọ ema ebup ete, "Owo emi asaña didie ọfiọk mme ñkpọ ntem ke ini Enye akananam ikaha ufọk ñwed?"

16 Jisọs ama ọbọrọ mmọ ete, "Se Ami ñkpepde idighe ukpepñkpọ Mi, edi oto Abasi emi ọkọdọñde Mi. 17 Edieke owo emekde ndinam uduak Abasi, enye eyeyarade ọdiọñọ mme ukpepñkpọ Mi oto Abasi, mme Ami ntiñ ikọ Idem Mi. 18 Owo ekededi emi etiñde ikọ idem esie anam ntre oyom ndida ukpono nnọ idem esie. Edi enyemi anamde utom oyom ubọñ ye ukpono ọnọ enyemi ọkọdọñde enye, edi owo akpanikọ; baba abiaña kiet iduhọ ke Enye.