26 तेखअ बोलअ बिधाता इहअ, "ऐबै बणाणैं हाम्हां मणछ आपणैं रुपै आप्पू ज़िहै। ताकि तिंयां समुंदरे सारी म्हाछ़ली, सरगै डेऊणैं आल़ै सोभी च़ेल्‍लू-पखीरू, घरेलू डागै-चैणैं, पृथूई अर तेथ दी हांढणै-फिरनैं आल़ै ज़ीबा आपणैं काबू दी डाहे।"✝1:26 याक. 3:9

27 तेखअ बणाऐं बिधाता मणछ आपणैं रुपै आप्पू ज़िहै, तिंयां बणाऐं बिधाता मर्ध अर बेटल़ी दूई रुपै।✝1:27 मोत्त. 19:4; मार्क. 10:6; शधा. 17:29; 1 करि. 11:7; कुलू. 3:10; 1 तिम. 2:13

28 बिधाता दैनी तिन्‍नां लै बर्गत, संघा बोलअ तिन्‍नां लै इहअ, "फल़ा-फूला संघा भर्हिया सारी पृथूई दी अर समुंदरे म्हाछ़ली, सरगे च़ेल्‍लू-पखीरू, ज़ुंण ज़ीब धरती दी हांढा-फिरा तिन्‍नां करा आपणैं काबू तेथ दी आसा थारअ हक।"