1 नूहे शोहरू थिऐ शेम, हाम, अर ज़बेद, आजू हुऐ ज़ल प्रल़या बाद इना का आद-लुआद।

2-5 ज़बेदो* खिंब आजू आपणीं ज़ाती, बोली अर देशे साबै, तिंयां थिऐ गोमेर, मागोग, मादी, ज़ाबण, तूबल, मेशक, तीरस।

गोमेरे हुऐ आजू, अशकनाज, रिपत अर तोगर्मा। ज़ाबणे हुऐ आजू एलीशाह, तरशीश, कित्ती अर दोदानी। ईंयां बस्सै आपणैं-आपणैं खिंब, ज़ाती, बोलीए साबै आपणैं-आपणैं देशै।

6 हामे आद-लुआद बी बांढुई आजू आपणीं ज़ाती, बोली अर देशे साबै, हामे शोहरू तै कूश, मिसर, पुत अर कनान।

7 कूशे हुऐ आजू सबा, हबीला, सेबता, रामाह अर सबतका।

रामाह का हुऐ आजू शेबा अर ददान।

8 कूशे तै आजू होर बी अर सह थिअ निम्रोद नाओंए जोधैओ दाद-बाब बी। सह थिअ पृथूई दी पैहलअ जोधअ। 9 सह थिअ इहअ जोधअ मणछ तेऊ लै दैआ त बिधाता स्वर्गा का ज़ोर। तैही बोला आझ़ तैणीं बी लोग, "तंऐं किअ प्रभूए ज़ोरा करै निम्रोदा ज़िहअ शकार।" 10 सोभी का आजी किअ निम्रोदै बाबेल, एरख, अकाद अर कलेना राज़। ईंयां सोभै आसा शिनार देशै।

11 तिधा का डेऊअ निम्रोद अश्शूर देशा लै संघा बसाऊऐ तिधी तेऊ निनबे, रोहबोतीर अर कालाहा नाओंए नगरी। 12 रसन नाओंए नगरी बी आसा तेऊ बसाऊई दी ज़ुंण निनबे अर कालाहा माहा नगरी मांझ़ै आसा।

13 मिसरे आद-लुआद हुऐ आजू लूदी, अनामी, लहाबी नपतूही, 14 पत्रूसी, कसलूही अर कप्तोरी। पलिश्ती ज़ातीए लोग हुऐ आजू कसलूही का।

15 कनानो ज़ेठअ शोहरू थिअ सदोन, तेखअ हुऐ हित्ती, 16 जबेशी, अमोरी, गिर्गाशी, 17 हिब्बी, अरेकी, सीनी, 18 अर्बादी, समारी अर हमाती। कनानी लोग बस्सै तेखअ सारै दी। 19 तिन्‍नां कनानीए सिअं थिई सदोन नगरी का गरार नगरी बाखा गाज़ा तैणीं तेखअ सदोम अमोरा, अदमा, सबोईम बाखा लाशा नगरी तैणीं। 20 ईंयां ई आसा आपणीं-आपणीं ज़ाती, बोली अर देशे साबै हामे आद-लुआद।

21 शेमे आद-लुआद बी बांढुई आजू आपणीं ज़ाती, बोली अर देशे साबै। सह थिअ ज़बेदो ज़ेठअ भाई एबेर ज़ातीओ दाद-बाब।

22 शेमे आद लुआद हुई आजू, एलाम, अश्शूर, अर्पक्षद, लूद, अर अराम।

23 अरामे हुऐ आजू ऊज़, हूल, गतेर, अर मश।

24 अर्पक्षदो शोहरू त शेलाह अर तेऊओ शोहरू त एबेर।

25 एबेरे हुऐ आजू दूई शोहरू। ज़ेठै शोहरू नाअं थिअ पेलेग किल्हैकि अह त सह ज़मानअ, ज़धू धरती दी लोग बांढुऐ। एबेरो कान्हअ शोहरू थिअ ज़गतान।

26 ज़गताना का हुऐ आजू अलमोदाद, शेलप, हसरामाबेथ, ज़ारा, 27 हादोराम, उजेल, दिकला, 28 ओबल, अबीमीएल, शेबा, 29 ओपीर, हबीला अर जोबाब। ईंयां सोभै तै ज़गताने आद-लुआद। 30 इने रहणें सिअं थिई मेशा का पुर्बा बाखा धारा बाखो मुल्ख सपारा तैणीं। 31 शेमे खिंबा दी आसा ईंयां ई आपणीं-आपणीं ज़ातीए साबै आद-लुआद।

32 नूहे शोहरूए खिंबे आद-लुआद आसा आजू ईंयां ई। ज़ल-प्रल़या बाद हुऐ तिन्‍नें आद-लुआदे बडै-बडै देश अर ज़ाती संघा बस्सै ईंयां सारी धरती दी।