Gênesis 16

हागार अर इशमाईल

1 अब्रामा गई ती कनान देशै रहंदी दस साला बिति, तज़ी बी निं तेऊए लाल़ी साराईए लुआद हुई ती। पर तेसे थिई एक दासी ज़ुंण मिसर देशे थिई, सह थिई खारकी अर तैहा नाअं थिअ हागार।

2 एकी धैल़ै बोलअ साराई अब्रामा लै, "बिधाता निं मुल्है लुआद दैनी, हुंह हुई प्रोढी, मेरी अह दासी आसा खारकी, तूह सुत्त ऐहा संघै, ज़ै एसो शोहरू होए, सह मनणअ मुंह आपणअ शोहरू।"

अब्रामै शूणअ तिहअ ई, 3 साराई डाही आपणीं मिसरी दासी हागार अब्रामा संघै।