मूल़ 16

6 अब्रामै बोलअ साराई लै, "ठीक आ, सह आसा भाल़ तेरी दासी, ज़िहअ तेरअ दिल बोला तूह कर तैहा लै तिहअ।"

तेखअ किअ साराई हागारा संघै इहअ बभार कि तेसो किअ संघा रहणअ ई कठण, खिरी पल़अ तैहा तिधा का दूर भागणअ।

7 दूर उज़र रेगीस्तानै सूर डेऊणे बाता बेठी हागार पाणींए एकी कुहै सेटा। तिधी आअ तैहा सेटा लै बिधातो दूत, तेऊ बोलअ तैहा लै, 8 "हागार, तूह साराईए दासी किधा का आई अर किधा लै आसा च़ाल्‍ली दी?"

हागारै दैनअ ज़बाब, "हुंह ठुर्ही आपणीं मालक साराई सेटा का दूर।"