मूल़ 4

12 "ऐबै च़ाऐ तूह ज़िम्मीं-ज़ैगा खटे बी तैबी निं ताह तेते पज़ैआ का इहअ किछ़ै भेटणअ। तेरअ निं आझ़ा पोर्ही घअर बार हणअ अर आजूए ज़िन्दगी हणीं तेरी ज़ैगै-ज़ैगै रिंगी करै खतम।"

13 तेखअ पाई कैनै बिधाता सेटा पकार, "अह सज़ा निं मेरै ज़िर्हुई च़ाल्‍ली। 14 तंऐं लाअ हुंह मेरै घअरा अर आप्पू का दूर रहंदअ छ़ाडी। हुंह हणअ घअरा छ़ाडी सारै देशै ठुल़्दअ अर मुंह सका कज़ोहै पाई मारी।"

15 बिधाता बोलअ, "नां, ज़ै कुंण ताह मारे तेऊ लै दैणीं मुंह ताखा बी सात गुणा ज़ादी सज़ा।" तेखअ लाअ बिधाता कैना दी एक नछ़ैण कि तेता भाल़ी होर लोग तेऊ नांईं मारे।

कैनो खिंब

16 इहअ करै लागअ कैन बिधाता सेटा का हांढदअ संघा पुजअ सह अदने पुर्बा दिशा बाखा नोद*4:16 नोद इब्रानी बोली दी आसा एतो मतलब कबाता पेठणअ नाओंए ज़ैगा संघा लागअ तिधी रहंदअ।