Gênesis 47

7 तेखअ निंयं युसुफै आपणअ बाब याकब बी मिसर देशे माहा राज़ै सेटा लै, अर याकबै दैनी मिसर देशे माहा राज़ै लै बर्गत।

8 तेखअ पुछ़अ मिसर देशे माहा राज़ै याकबा का, "तेरी अमर केतरी हुई?"

9 याकबै बोलअ मिसर देशे माहा राज़ै लै, "एकी शौआ तिह साला बिति मेरी परदेसी हई रहंदी। मेरै दाद-बाब रहै तै मुखा बी खास्सी साला परदेसी हई ज़ैगै-ज़ैगै ठुल़्दै लागी पर तिन्‍नें निं मुंह ज़िहै बूरै हाल हुऐ आथी।"

10 तेखअ दैनी याकबै मिसर देशे माहा राज़ै लै एकी बारी भिई बर्गत।

11 ज़िहअ मिसर देशे माहा राज़ै बोलअ, युसुफै किअ तिहअ ई संघा दैनी तेऊ आपणैं बाब अर भाई-बंधा लै मिसर देशै रामसेस नाओंए नगरी नेल़ बधिया ज़ेही ज़िम्मीं। 12 खाणैं-पिणैं अर रहणैंओ सारअ इंतज़ाम बी किअ युसुफै तिन्‍नां लै।