मूल़ 7

5-7 ज़धू पाणींए प्रल़या का बच़णा लै नूह ज़हाज़ा भितरा लै डेऊअ, तधू थिई तेऊए अमर छ़ह शौआ साले। ज़िहअ बिधाता तेऊ लै बोलअ त, तेऊ किअ तिहअ ई। तेऊ निंयैं आपणीं लाल़ी, शोहरू अर नुशा बी आप्पू संघै ज़हाज़ा भितरा लै।✝7:5-7 मोत्त. 24:38,39; लूक. 17:27

8,9 तेखअ ज़िहअ बिधाता बोलअ त, तेते ई साबै निंयैं नूहै शुचै अर छ़ोतलै सोभै पशू, धरतीए होर ज़ीब अर च़ेल्‍लू-पखीरू नर-मादे साबै आप्पू संघै ज़हाज़ा दी।

10 साता धैल़ै बाद लागअ ज़ल-प्रल़यो पाणीं धरती प्रैंदै बर्शदअ।