14 विश्वास घाती लोगो, मुंह सेटा लै एछा फिरी,
तम्हैं आसा मेरै अर हुंह बिधाता आसा थारअ मालक।
मुंह छ़ांटणैं तम्हैं हर नगरी का एक-एक,
हर टोली का छ़ांटणैं मुंह तम्हां मांझ़ै दूई-दूई।
तम्हैं आणनैं मुंह सियोन धारा लै बापस फरेऊई।
15 तम्हां प्रैंदै राज़ करनै आल़ै डाहणैं मुंह इहै ज़ुंण मेरअ हुकम मना।
तिन्नां करनअ तम्हां प्रैंदै अक्ल अर समझ़ डाही राज़।’
16 "तेऊ ज़मानै हणैं तम्हैं एऊ देशै खास्सै, तेखअ निं लोगा मेरै करारे मणशूए बारै गल्ला करनी। तिन्नां निं एते बारै सोठणअ आथी अर नां तिन्नां एते आद डाहणीं, तिन्नां निं एते ज़रुरत ई पल़णीं अर नां तिन्नां इहअ होर बणाणअं।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)