1 "Nyɛɛ hyɛ saminya nɛ nyɛ kpakpa peemi nɛ ko ya pee he tsɔɔmi ngɛ ma hɛ mi bɔ nɛ pee nɛ a je nyɛ yi. Ke nyɛ pee ja a, nyɛ hiɔwe Tsɛ ɔ hiɔwo ɔ ma bɔ nyɛ. 2 Ke nyɛ ke nɔ́ balɔ ko nɔ́ ko ɔ, nyɛ ko tsi nɔ ta nɛ ma nɛ nu kaa bɔ nɛ osatotsɛ ɔmɛ peeɔ nɛ a kpaa bɛ ngɛ kpe he ɔmɛ kɛ gbɛjegbɛ ɔmɛ a nɔ nɛ nihi nɛ a na kpakpa nɛ a peeɔ ɔ. Anɔkuale ji kaa a nine be hiɔwo kpa ko nɔ sue hu. 3 Se nyɛɛ lɛɛ nyɛ ha nɛ nyɛ kpakpa peemi nɛ e hi laami mi. Nyɛ ko ha nɛ nyɛ muɔ nine po nɛ e le nɔ́ nɛ hiɔ nine ngɛ pee. 4 Nɛ nyɛ Tsɛ ɔ nɛ naa laami mi ni ɔ, maa wo nyɛ hiɔ."

5 "Jehanɛ ɔ ngɛ sɔlemi blɔ fa mi ɔ, nyɛ ko sɔle kaa bɔ nɛ osatotsɛ ɔmɛ sɔleɔ ngɛ kpe hehi kɛ he nɛ nihi fuu bua a he nya ngɛ bɔ nɛ pee nɛ a na mɛ ɔ. Anɔkuale, lɔ ɔ pɛ ji hiɔwo nɛ a ma na. 6 Se nyɛɛ lɛɛ ke nyɛ maa sɔle ɔ, nyɛɛ sɛ tsu mi nɛ nyɛ nga sinya kɛ wo nyɛ yi, nɛ nyɛɛ sɔle zaa ha nyɛ Tsɛ Ope ɔ nɛ le nyɛ laami sane ɔmɛ tsuo ɔ nɛ e maa wo nyɛ hiɔ.

7 Ke nyɛ ngɛ sɔlee ɔ, nyɛ ko ti Sɔlemi ɔ mi kaa bɔ nɛ wɔ jali ɔmɛ peeɔ ɔ, ejakaa a susuu kaa enɛ ɔ nɛ ma ha nɛ a nine maa su a ni bimi ni ɔmɛ a nɔ. 8 Nyɛ ko pee kaa mɛ, ejakaa nyɛ Tsɛ ɔ le nyɛ hiami ni ɔmɛ momo loko ji nyɛ biɔ lɛ.

9 Enɛ ɔ he je ɔ nyɛɛ Sɔle ke, Wa Tsɛ nɛ ngɛ hiɔwe, o biɛ ɔ he nɛ tsɔ. 10 O Matsɛyemi ɔ nɛ ba. A pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ. 11 Mo ha wɔ mwɔnɛ ɔ wa daa nya ngma, 12 nɛ o kɛ wa he yayami ɔmɛ nɛ ke wɔ, kaa bɔ nɛ wɔ hu waa kɛ kee nihi nɛ tɔɔ wa nɔ ɔ. 13 Nɛ o kɛ wɔ nɛ ko ya kami mi, se mohu o je wɔ kɛ je yayami mi. Amen. 14 Nyɛ Tsɛ nɛ ngɛ hiɔwe ɔ kɛ nyɛ tɔmi ɔmɛ maa ke nyɛ ke nyɛ hu nyɛ kɛ nihi a tɔmihi kɛ e mɛ ɔ. 15 Se ke nyɛ kɛ ki mɛ ɔ, lɛ hu e kɛ nyɛ tɔmi ɔmɛ be nyɛ kɛ e.

16 Nɛ ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kɛ tsɔɔ nɛ a na kaa bɔ nɛ osatotsɛ ɔmɛ peeɔ a hɛ mi nyanyaanya bɔ nɛ pee nɛ nihi nɛ a na nɛ a he mɔbɔ nɛ pee mɛ ɔ. Anɔkuale, lɔ ɔ pɛ ji hiɔwo nɛ a ma na. 17 Se nyɛɛ lɛɛ ke nyɛ ngɛ hwɔ hae ɔ, nyɛ dla nyɛ hɛ mi saminya, 18 bɔ nɛ pee nɛ nɔ ko ko na kaa hwɔ ngɛ nyɛ yee, ja nyɛ Tsɛ nɛ ngɛ hiɔwe ɔ pɛ, nɔ nɛ naa laami mi ni ɔ, nɛ lɛ e maa wo nyɛ hiɔ.

19 Nyɛ ko ngɔ nyɛ june ɔmɛ kɛ to ngɛ zugba nɛ ɔ nɔ he nɛ a ma puɛ loo he nɛ julɔ maa ju mɛ ngɛ. 20 Nyɛɛ ngɔ nyɛ níhi nɛ a he jua wa amɛ kɛ to ngɛ hiɔwe he nɛ a hɛ mi be kpatae ngɛ, nɛ julɔ ko hu be mɛ jue ngɛ ɔ. 21 Ejakaa ke nyɛ weto ni ɔmɛ ngɛ hiɔwe ɔ, lejɛ ɔ nɔuu nɛ nyɛ tsui hu maa hi.

22 Ke o hɛ ngmɛ nɔ tsɔ ɔ, o klaa he maa tɛ. 23 Se ke susumi yayahi ha o hɛ ngmɛ nɔ ɔ, o nɔmlɔ tso ɔ kulaa maa wo mumi mi diblii kpii. 24 Nɔ ko be nutsɔmɛ enyɔ nyɛe ma sɔmɔ, Mawu kɛ sika. Ejakaa o be mɛ tsuo nyɛe ma sɔmɔ, o maa suɔ nɔ kake pe nɔ kake.

25 Enɛ ɔ he je ɔ, i ngɛ nyɛ dee ke, nyɛ ko hao nyɛ he ngɛ nɔ́ nɛ nyɛ maa ye, nɔ́ nɛ nyɛ maa nu kɛ nɔmlɔ tso he hami níhi a he. Ejakaa nyɛ ngɛ nɔmlɔ tso he wami momo, nɛ lɔ ɔ he hia pe nɔ́ nɛ nyɛ maa ye kɛ bo nɛ nyɛ ma bu. 26 Nyɛɛ hyɛ lohwe pɛlitsɛ ɔmɛ ha! A gbo we niye ni he dengme, a du we ni nɛ a kpa we ni hulɔ, nɛ a be niye ni gba, se nyɛ Tsɛ nɛ ngɛ hiɔwe ɔ lɛɛ mɛ daa. Anɛ nyɛ he be se nami hluu ha lɛ pe mɛ lo? 27 Anɛ ke nyɛ hao nyɛ he ɔ, lɔ ɔ ma ha nɛ nyɛ se maa kɛ ngɛ je ɔ mi lo?

28 Mɛni he je nɛ nyɛ haoɔ nyɛ he ngɛ bo nɛ nyɛ ma bu he? Nyɛɛ hyɛ nga nɔ mɔmɔ ɔmɛ ha! A yi tsui ngɛ a nɔ́ he. 29 Se i ngɛ nyɛ dee ke, Matsɛ Salomo he fɛu ɔ sui a nɔ́ ɔ nya. 30 Nɛ ke Mawu baa mɔmɔhi nɛ wa naa mwɔnɛ ɔ se hwɔ pɛ a gbo a yi ɔ, e be nyɛe maa baa nyɛ yi lo, nyɛ nihi nɛ nyɛ hemi kɛ yemi pi ɔ?

31 Enɛ ɔ he je ɔ, nyɛ ko hao nyɛ he ngɛ niye ni kɛ he hami níhi a he 32 kaa bɔ nɛ je mi bi ɔmɛ peeɔ ɔ. Ejakaa mɛɛ lɛɛ a dii ni nɛ ɔmɛ a se kɛ hɛ dɔ. Se nyɛ Tsɛ nɛ ngɛ hiɔwe ɔ le kaa ni nɛ ɔmɛ a he hia nyɛ. 33 Nɛ e maa ngɔ ni nɛ ɔmɛ tsuo kɛ ha nyɛ ke nyɛ ngɔ nyɛ he kɛ ha lɛ nɛ nyɛ hi si kaa bɔ nɛ e ngɛ hlae ɔ.

34 Enɛ ɔ he je ɔ, nyɛ ko hao nyɛ he ngɛ hwɔɔ je nɛ maa na he, nyɛ ko hao ejakaa Mawu maa to hwɔɔ he blɔ nya kɛ ha nyɛ. Hwɔɔ hu je ngua nɛ maa na."