ADIISƐM 13

2 Kaka suronyi-suronyi bɔ nwuni ye ne, né ɔte kyɛ sebɔ, nakoso ne ye gya te kyɛ kwabrafo gya, na né ye noa te kyɛ gyata noa. Na ɛwoo*13:2 Kyire kyɛ: "Ɛwoo kandinga bɔ ye nwo yɛ suro ne." ne fale ye anwoserɛ, ye bia,*13:2 Okyire "Ɔhene bia." ne ye tumi kandinga né mane kaka*13:2 Kyire kyɛ: "Kaka suronyi-suronyi ne." ne.

6 Na obukyele ye noa kekane mmusue dwirɛ tiale Nyameɛ, odwudwo tiale ye dumaa ne nekaa bɔ ɔte ne, kyire kyɛ, odwudwo tiale bɛ bɔ bɛtete anwuro ne. 7 Na bɛmane ye atee kyɛ ɔne akrongronfoɛ nemɔ hõ, na oli bɛ so ngunim; na bɛmane ye tumi wɔ abusuakue, mmenia, dwudwolɛ ne maen biala so.