ADIISƐM 22

1 Afei ohyirele me ngoa nzue bɔ ɔtengyɛ, bɔ ye nye te hyɛnn kyɛ ahwehwɛ, né ɔtengyɛ fi Nyameɛ ne Boan Ba né bia*22:1 Okyire "Ɔhene bia." nanu, 2 na ɔbafa atee kandinga bɔ ɔla kuro nanu né afia. Na ngoa mmakaa gyigyi nzue ne bɛen ne ye famaa, bɔ osu mmaa buru-ne-nyɔ afoɛ biala, osu mmaa bosome biala. Na ye nyaa yeɛ bɛfa bɛsa mmenia ne anwonyerɛ ɔ. 3 Mmusue biala ngɔwa berɛ kõ. Mmom Nyameɛ ne Boan Ba ne bia ne yeɛ ɔwɔ kuro nanu ɔ, na ye ngoaa kɔsõ ye. 4 Bɛkonwu ye nyunu, na ye dumaa kogua bɛ nwoma so. 5 Aleɛ ngɔsa berɛ kõ, na bengohia kanea anaa eyia, ofikyɛ Awurade Nyameɛ yeɛ ɔkɔyɛ bɛ kanea ɔ, na bɛkoli hene daa daa.