Mateus 21

Jesu wakashinganya chisamu cha mukuyu

18 Chiindi chakuseni seni mbuli Jesu mbwakali kujokela ku munzhi wakanva nzala. 19 Nakabona chisamu chamukuyu kumbali a nzhila, amane wakaunka kulinchicho pesi taaku nchakajana kunze boo kwamateu. Amane wakaamba kuli nchicho, "Tokazhali michelo alimwi!" Peenka penka chisamu chakayuma.

20 Bashichiiya nibakabona icho, bakakankama akubuzha, "Nkambo nzhi chisamu cha mukuyu ichi chayuma kufambana?"

21 Jesu wakabanviila ati, "Kashimpe ndamwaambila, nakamuchite lushomo lwakutajoka muunshi, inga mwachita chiinda chachitika ku chisamu cha mukuyu uyu. Pesi kutaashi boo ubo, inga mwachikonzha kwaambila mulundu uyu kwaamba, ‘Kounka, ‘Liwaale mu lweenge,’ alimwi chilakonzha kuchitika. 22 Naa kamushoma mulakonzha kutambula mfumbwa nchimwalomba mu mupailo."