21 Muutu wu li mu uyaka matumili ma me, na wu li mu usiingala mo, ni nde wuuna wu atondo me. Muutu wu atondo me, Taata a me sa atondo nde. Me kaka tsa tondo nde, na me tsa monehele na nde.»

22 Yuda, a Yuda Isikariyoti ve, afuuli Yisu: «Pfumu, mu hima we umonehele ndulu na bisu na uvelemonehele na baatu boosi?» 23 Yisu afutili nde bunuubu: «Tso muutu tondi me, nde akeelese mikuma mya me, na Taata a me sa atondo nde. Bisu sa liya huli nde, na bisu sa livaanga nzo a bisu huli nde. 24 Muutu wu aveletondo me, a hubaasiingala mikuma mya me ve. Na mikuma mi benu lili mu uyuha a mili mu umata huli me ve. Ka myo mili mu umata huli Taata wu atsindaha me.»