22 Mpawo bayiisyi bamulawu bakazwa kuJerusalemu bakati, "Unjidwe Bbelizabbali, alimwi amwami wamyuuya mibi utanda myuuya mibi."
23 Alimwi Jesu wakabayita, mpawo wakaambuula kulimbabo muzikozyanisyo kati, "Satani ulakonzya biyeni kutanda Satani? 24 Kuti bwami bwapambukana abulikke, bwaami oobo tabukonzyi kwimikila. 25 Alimwi kuti mpuli yapambukana, eeyo mpuli tayikonzyi kwimikila pe. 26 Alimwi naa Satani walikazya mwini alimwi kapambukene, takonzyi kwimikila, pesi ulasika kumamanino.
27 "Pesi taakwe ukonzya kunjila muŋanda yamwaalumi singuzu akunyanzya lubono lwakwe, kunze akuti atalike kwaanga mwaalumi singuzu, eelyo nichoonzyo ulakonzya kubba.
28 "Kasimpe, ndamwaambila, zibi zyoonse ziyoolekelelwa bana bamuntu, alimwi kufumbwa kusampawula nkubachita; 29 pesi kufumbwa usampawula Muuya Usalala takonzyi kulekelelwa pe, pesi ulaamulandu wachibi chitamani." 30 nkaambo bakaamba kuti, "Ulaa muuya mubi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)