10 Bumwi buzuba bwe Nsabata Jesu naalikwiisya mucikombelo, 11 kwali mwanakazi walikujesi muuya mubi walikumucisya kwemyaaka iili kumi o lusele. Waloongomene cokuteeti taalikukonzya kwiinamuka naanga aniini. 12 Jesu naakamubona wakamwiita okuteeti, "Mwanakazi, waangununwa kubulwazi bwako!" 13 Mpoonyina Jesu wakabika maanzaakwe alinguwe, mpoonyinaawo mwanakazi wakainamuka okulumbaizya Leza. 14 Kono wolupati-pati wecikombelo wakanyema kaambo Jesu wakaponya muntu mubuzuba bwe Nsabata. Mpoonyina wakaambila bantu kuteeti, "Kuli mazuba aali cisambomwe ngotweelede kubeleka, kamuzaanga kuzoponesegwa mumazuba aayo, mutanozaanga mu Nsabata!" 15 Mpoonyina Mwami wakamutaba kuteeti, "Nywebo nobasikupa-upa amenso! Ino noonse aawa tamwaangununaanga basune benu naanga mbongolo okuzitola kuyoonywa maanzi mu Nsabata na? 16 Iino ooyu mwanakazi wakazyalwa kulunyungu lwa Abbulahamu walikwaangidwe o satani kwe myaka iili kumi olusele, teelede kwaangununwa mu Nsabata na?" 17 Jesu naakataba namu, boonse balikumulwana bakalisenda loko, kono mbunga yabantu yoonse yakabotelwa loko kuzintu zyobulemu zyoonse zyaakacita.