1 Bumwi buzuba Jesu wakaambila basikwiiya bakwe cikozyanyo kubaisya kuteeti kabakomba nako yoonse kabatatyompwi. 2 Wakateeti, "Muliimwi taindi kwali mubetesi watali kuyowa Leza naanga kukuteka bantu. 3 Ape mutaindi ndyonyeelyo kwali mukamufu walikwiinkaanga kumubetesi ooyo okumwaambila kuteeti, ‘Ndilulamikile kaambo kangu osinkondoma!’ 4 Kweciindi cilamfu, ooyu mubetesi walikumukakila kono kumamanino wakalyaamboozya kateeti, ‘Nekuteegwa siyoowi Leza naanga kukuteka bantu, 5 iino kaambo mwanakazi ooyu wandipenzya, ndilakalulamika kaambo kakwe, ndatacita namu, ulazumanana kundikatazya.’"

6 Mpoonyina Mwami wakateeti, "Amumvwe zyakaamba mubetesi utaluleme. 7 Ino Leza takoyoopa basale bakwe ciluleme, bamulilila lugwasyo masiku esikati na? Ino Leza inga waliyeha kubagwasya na? 8 Ndimwaambila kuteeti ulabapa bwaatuzi bululeme cokufwambaana. Kono ino Mwanoo Muntu asika uzoojana lusyomo anyika na?"