31 Jesu wakaindilizya kateeti "Ino bantu bomusela wesunu inga ndabakozyanye enzi? Babede mbuli nzi? 32 Bali mbuli bana bakede mumusika. Kamwi kabunga kabana kalateeti kuli kamwi, ‘Twamulizizya nyeele, kono taakwe nimwazyana! Twaimba nyimbo zyecililo kono taakwe nimwalila.’ 33 Ede Joni Mubbabbatizi wakeza katalyi zilyo zibalikulya obuzuba bantu boonse okutanywa waini, mpoonyina mwaamba kuteeti, ‘Uleedimona.’ 34 Mwanoo Muntu wakeza kalya okunywa, mpoonyina mwaamba kuteeti, ‘Amumubone, uleendya ape mukolwi, mweenzinyina wabasimutelo abasizibi.’ 35 Kono busongo bwa Leza bulalitondezya kuteeti mbwanconzyo mubana bakwe."
Jesu Wananikwa o Mwanakazi Sizibi
36 Umwi Mufalisi wezina lya Saimoni wakatamba Jesu kuteeti akalalile awe. Mpoonyina Jesu wakainka kungʼanda yo Mufalisi okuyookalaansi kuteegwa alye. 37 7:37 Mateyo 26:7; Maako 14:3; Joni 12:3.Iino oomo mutaindi mwali mwanakazi sizibi. Naakamvwa kuteeti Jesu walikulya mu ngʼanda yo Mufalisi, wakeeta nsanzi yakapangwa ebbwe lya alabbasita7:37 Alabbasita lyali bbwe bbotu lyo musyobo uutuba omungunga we ji lyalikuzwa ku Ijipiti. Balikupanga nsazi ezimwi zintu zibotu kuzwa kulindilyo. yalikuzwide mafuta aanunkilila.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)