Yesʉ ɨngɨra ɨYerʉsalemʉ
12 Bwabere bwakya, omuhindano mʉnene ow’ahikaga ko linye ly’ePasaka, mobonvwa ko Yesʉ alɨ mo nzɨra aya ɨYerʉsalemʉ. 13 Mobatsɨmba mɨthahɨ ya mingasi na mobaya mʉlɨndɨrɨra. Bagenda abahambala bathɨ:
«Hosana! Agashanɨrwe yo uhika kw’ɨtsɨna lya Nyinya-kowethʉ!
Agashanɨrwe omwamɨ w’iIsiraeli.»
14 Yesʉ mweya kyana kya pʉnda, mwikala kʉkyo nga ko kushakirwe kʉthɨ:
15 «Mʉthʉbahaga imwe bikalani b’iSayuni!
Mʉlole, omwamɨ enyu ahika, ikere kʉ kyana kya pʉnda.»12:15 Soma Sakarɨa 9:9.
16 Mo kathambi ako abɨga ba Yesʉ mobathonvwa ebyo bɨtsʉka, hewethuwe abere amamala ɨshʉngɨka mo lʉkengerwa mobɨbʉka ko ebɨnwa ebi bishakirwe kw’ɨye na bathyo ko bamamʉkolera.
17 Omuhindano w’abandʉ bo babyaga hagʉma na Yesʉ mo ndambi abɨrɨkɨraga Lasaro athoke mw’ɨsɨnda n’imulubukya bagenda ababwɨra abandɨ ebyo bithabya. 18 Bʉshana n’ekyo bandʉ bangɨ mobaya mʉlɨndɨrɨra, kʉshangwa babyaga nɨbamonvwa kw’amakangya ekɨmɨnyɨkalo ekyo. 19 Aho, aBafarisayo mobabwɨrana bagʉma kʉ bandɨ bathɨ: «Mʉlole, hathalɨ kyo mwangakotsya. Abandʉ boshi bamukwamire!»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)