20 Honyuma kw’aho, Yesʉ mwathanga ɨkemera emiyi eyo akoleragamo bɨthɨko-thɨko bɨngɨ kʉtsɨbʉ kʉshangwa abikalani bamʉro mobathabɨndʉka ɨthoka mo bɨtsɨbʉ byabo. Mwanegena athɨ: 21 «Bʉhanya kw’imwe Banyakorasini! Bʉhanya kw’imwe Banyabetesaita! Kʉshangwa ebɨthɨko-thɨko byakolerawa ewenyu byangakolerwe Banyatiro na Banyasitona, bangambere kera mɨbʉta n’ɨyɨhaka ɨfʉ ikangania ko bamalire ɨbɨndʉka. 22 Bʉshana n’ekyo enyɨbabwɨra nyɨthɨ ekɨro ky’esohi amalipisi enyu andalenga ow’abikalani b’iTiro n’iSitona.» 23 Nemwe Banyakaperenaʉmʉ, omʉganɨtsya mʉthɨ mwandirukibwa mo lʉbʉla? Mwandakimibwa kw’ɨrʉnga. Kʉshangwa ebɨthɨko-thɨko byakolekaga ewenyu, byangakolekire ɨSotomo, omuyi oyo ng’akɨnalɨho munobwire. 24 Kyokɨreka nɨnyababwɨra nyɨthɨ, ekɨro ky’esohi ya Gongo, abandʉ b’ɨSotomo bandasohwa kʉke kw’imwe.