Yesʉ athɨndwa ewabo
53 Yesʉ abere amamala ɨtsa emishinga eyo, mwathokayo. 54 Abere ahika mo kɨhʉgo kɨwe, mwakangɨrɨtsya abahimbani mo sinakoki yabo, ihika ko kɨka abandʉ mobashweka nɨabanegena bathɨ: 13:54 Kɨhʉgo kɨwe: Nɨ negena mbʉ: Ekɨhʉgo ky’eNasareti. Soma Luk 4:146. «Amathokya obwenge obu bo hayi, n’amaka w’erɨkola ebɨthɨko-thɨko? 55 Oyu athalɨ omʉgala w’omʉsapate? Na nyinya ʉwe athalɨ anahʉlwamo Marɨa? Na bagala babo bathalɨ Yakobo na Yosefʉ na Simoni na Yuta? 56 Na balɨ babo boshi bathalɨ kowethʉ? Ebyoshi ebi athokyabyo hayi?» 57 Ebyo mobyaleka nɨbathamwɨkɨrɨtsya. Aho Yesʉ mwabwɨrabo athɨ: «Omʉmɨnyeretsɨ athalɨ anashikibwa mo kɨhʉgo kɨwe n’omo muyi ʉwe.»13:57 Soma Luka 4:24; Yoani 4:44. 58 Eyo, Yesʉ mwathakolayo bɨthɨko-thɨko bɨngɨ bʉshana n’obʉthɨkɨrɨtsya bwabo.