Yesʉ ɨngɨra ɨYerʉsalemʉ
1 Yesʉ n’abɨga bʉwe babere bahika hofɨ n’ɨYerʉsalemʉ, mobahika ɨBetefake, ko kɨthwa ky’eMiseituni21:1 Betefake: Mʉrongo alɨ ko lʉhande lw’obʉbʉkɨra ɨtsʉba lw’ekɨthwa ky’emiseituni, ku bilometere bɨrebe n’omuyi w’ɨYerʉsalemʉ.. Yesʉ mwathʉma bɨga babɨrɨ 2 n’ɨbwɨrabo athɨ: «Mʉgende mo muyi owalɨ embere senyu, mweyako pʉnda iminirwe hagʉma n’ekyana ky’epʉnda. Mʉmɨnʉletho na mʉnyɨretheretho. 3 N’omʉndʉ amababʉtsya kɨnwa, mwamʉshʉbɨtsya mʉthɨ: "Nyinya-kowethʉ alayire kʉtho." Aho n’aho omʉndʉ oyo abatsɨɨra mʉgende natho.» 4 Ebyo mobyabya bithyo bʉshana bɨbererere ebɨnwa byanegenawa n’omʉmɨnyeretsɨ bɨthɨ:
5 «Mʉbwɨre abahimbani b’iSayuni mʉthɨ:
"Shʉnga, omwamɨ enyu abahikira,
nɨ mʉlonvʉ, na ashambire kʉ pʉnda, kyana ky’epʉnda, ekyana."21:5 Sakarɨa 9:9.»
6 Aho abɨga mobageda mobakola nga ko Yesʉ ahamʉlagabo. 7 Mobaletha epʉnda n’ekyana ky’epʉnda, na mobashesha esongɨmba sabo so kʉtho na Yesʉ mwikala kʉro. 8 Muhindano wa bandʉ bangɨ mobashesha esongɨmba sabo so mo nzɨra, n’abandɨ bagenda abatsa bɨsanza ko mɨthɨ n’ɨsheshabyo mo nzɨra.21:8 Lingania na 2Bamɨ 9:13. 9 Abandʉ bo babyaga ebʉshondotsɨ bwa Yesʉ n’abo babyaga bamukwamire bagenda abahambala bathɨ:
«Hosana21:9 Hosana nɨ kɨnwa ky’ekɨebʉranɨa ekinegenire kɨthɨ: «Hika uthuwathikye» Soma Saburi 118:25 Ekɨnwa ekyo mokyabya kɨnwa ky’ɨsɨma n’isingya Gongo. kʉ Mʉgala wa Tawiti!
Agashanɨrwe yo uhika kw’ɨtsɨna lya Nyinya-kowethʉ!
Hosana kʉ Gongo w’eLʉgʉlʉ Kʉtsɨbʉ mo lʉbʉla!»
10 Yesʉ abere ɨngɨra ɨYerʉsalemʉ, omuyi woshi mwathabagana. Abandʉ mobathanga ibutsania bathɨ: «Nɨ ndɨ oyu?» 11 Omuhindano w’abandʉ mobashubya bathɨ: «Nɨ Yesʉ mʉmɨnyeretsɨ w’iNasareti mo kɨhʉgo ky’iNgalilaya.»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)