23 Yesʉ mwɨngɨra mo Nyʉmba ya Gongo na mwathanga ɨkangɨrɨtsya. Abakʉlʉ b’abaheri n’abangʉmwa b’abandʉ mobayɨfʉnda hofɨ naye n’ɨmʉbʉtsya bathɨ: «Ʉkola ebyoshi ebi kʉ maka ahɨ? Na nɨ ndɨ yo wakʉhaga amaka ayo?» 24 Yesʉ mwashʉbɨtsyabo athɨ: «Nangye nyababʉtsya kɨnwa kɨgʉma, kɨgʉma kuroshi. Mwamanyɨshʉbɨtsya, aho nangye nɨnyababwɨra nga nɨ kʉ maka ahɨ ko enyɨkola ebɨnwa ebi. 25 Amaka wa Yoani w’eribatisya abandʉ athokaga hayi? Athokaga ewa Gongo kʉtse ko bandʉ?» Mobathanga ibutsania ɨbo kw’ɨbo bathɨ: «Thwamashubya thʉthɨ: "Athokaga ewa Gongo," nɨathʉbwɨra athɨ: "Bʉshana na ki momʉthamwɨkɨrɨtsya?" 26 Na thwamanegena thʉthɨ: "Athokaga ko bandʉ," thwamʉbaha abandʉ, kʉshangwa aboshi bɨkɨrɨtsye ko Yoani abyaga mʉmɨnyeretsɨ.» 27 Aho mobashʉbɨtsya Yesʉ bathɨ: «Thuthetsi.» Naye kuthyo mwabwɨrabo athɨ: «Nangye kuthyo nyɨthɨbabwɨre nga enyɨkola ebɨnwa ebi kʉ maka ahɨ.»