33 «Mʉhʉlɨkɨrɨtsye ʉndɨ mushinga. Kwabyaga mʉndʉ mʉgʉma yo wahɨngaga ɨshwa lɨwe lya misabibu. Mwathimbya kʉlyo ko lʉgʉthʉ, mwakomya handʉ h’erɨkamɨra emisabibu na mwahimba kathegeryo k’abatheya21:33 Soma Isaya 5:1-2.. Honyuma kw’aho mwakondesalyo ku bahingi na mwagenda lʉgendo. 34 Ebɨro by’erɨoha emisabibu byabere byahika, mwathʉma abakoli bʉwe ko bahingi abo bʉshana bamʉhe engemo. 35 Hewethuwe abahingi mobatsɨmba abakoli bʉwe, mobahumba omʉgʉma, n’ogʉndɨ mobamwitha, n’ogʉndɨ mobamuhumanga mabwe. 36 Aho, omwenye erɨshwa mwashʉba thʉma bandɨ bakoli bangɨ kʉlenga abambere, hewethuwe abahingi abo mobayɨrabo nga ko bayɨraga abambere. 37 Ko nduli, mwathʉmɨrabo mʉgala alɨ aganɨtsya athɨ: "Bashikya mʉgala aye." 38 Hewethuwe abahingi abo babere bashʉnga mʉgala, mobabwɨrana ɨbo kw’ɨbo bathɨ: "Shʉnga omuli w’omwandʉ yoyo! Thumwithe na thʉyɨtsɨmbɨre omwandʉ ʉwe!" 39 Aho mobamʉtsɨmba, mobamʉgʉsha emʉsɨke w’erɨshwa na mobamwitha.» 40 Aho Yesʉ mwabʉtsya athɨ: «Ewono, omwenye erɨshwa ly’emisabibu andabya ashʉbʉla andayɨra abahingi abo bo athɨ?» 41 Mobamʉshʉbɨtsya bathɨ: «Andɨthɨsa abandʉ babɨ abo bʉthashashɨra, na andaha erɨshwa eryo lyo bandɨ bahingi, bo bandamʉha engemo ko ndambi ɨtholere.»
42 Yesʉ mwashʉba bwɨrabo athɨ: «Mʉthahera mwathasoma ebyo bishakirwe mo Mashako Abuyirire byo binegenire bɨthɨ:
"Eribwe lyathɨndawa n’abahimbi
lyo lyabere ibwe ly’ekoni.
Ekɨnwa kɨno ekɨthoka ewa Nyinya-kowethʉ,
nakyo ni ky’erishwekya mo mesho ethʉ."21:42 Eribwe ly’ekoni lyo lɨnatsɨmbɨrɨra enyʉmba yoshi.
43 Bʉshana n’ekyo enyɨbabwɨra nyɨthɨ oBwamɨ bwa Gongo mwandanyagʉlwabo na bwandahabwa abandʉ bo bandabʉtha biguma byo bɨtholere oBwamɨ obo. 44 [Yo wandayihinda kw’ibwe eryo, andakonongoka n’oyo wandathogerako eribwe eryo, lyandamuthundula.»]21:44 Omʉlondo ono athalɨ mʉ mashako mangɨ wa kera. Shʉnga Luka 20:18.
45 Abakʉlʉ b’abaheri n’aBafarisayo babere bonvwa emishinga ya Yesʉ, mobamɨnya ko n’ɨbo bo agenda ahʉla. 46 Aho mobashondya ko bangamʉtsɨmba, he mobʉbaha omuhindano wabyaga niatsimbire Yesʉ nga mʉmɨnyeretsɨ.