MATEYO 22

Ikipusho palwa kushikuka ku bakufwa

23 Pa bushiku bulya bwine Abasaduke abatasumine ati kukaba ukushikuka kwa bakufwa balishile ne kipusho kuli Yesu 24 ati, "We Kafundisha, Mose alitwebele ati, Umwalalume ngafwa ukwakubula ukufyalapo abana, wabo ali no kupyana ulya mwanakashi pa kuti amufyalileko abana. 25 Nomba palipo bawabo kine lubali. Umukulubantu alyupile mpaka afwa ukwakubula uku kwatapo abana, epakushiila wabo umukashi. 26 Uwa kibili, uwakitatu mpaka no wa kulenga kine lubali bonse balifwile. 27 Kulipelwepelwe umwanakashi naye afwa. 28 Nomba pa kushikuka kwa bakufwa akesa kubo mukashi wakwa nani apo bonse balimupilepo?"

29 Yesu alibasukile ati, "Muli bafilubo pantu tamwishibile amalembo nangula maka yakwa Lesa. 30 Pantu ulo abakufwa bakashikuka, takwakabepo kuupa nangu kuupwa, bakesa kuba kubati ni bamalaika ba mwiulu. 31 Kabili pa mulandu wa kushikuka kwa bakufwa bushe tamwabelengapo palya Lesa aebele ati, 32 ‘Ni nebo Lesa wakwa Ablahamu, Lesa wakwa Isaki, Lesa wakwa Yakobo.’ Ekyo ni Lesa wa bamweo te wa bakufwa."

33 Amabumba ya bantu pa kumfwe fyo abasambilishe, balipapile.